كتبنالك خطوة بخطوة طريقة تحفة جدا لعمل الفتة بالثوم اعرفي معانا طريقة عمل الفتة بالثوم والخل بوصفة جميلة جدا جدا جربيها ومش هتندمي …الفتة المصرية من اجمل الاكلات المصرية وبالذات في عيد الاضحي بتكون الطبق الرئيسي في اي بيت مصري عشان كدة جبنالكم النهاردة اروع طريقة لعمل الفتة بالثوم والخل لكن اوعي تكتري الخل عشان الجهاز الهضمي …
عيد الاضحي مليان اكلات حلوة جدا ومشهورة باللحمة المصري بنقدملك النهاردة طريقة عمل الفتة بالثوم ,احلي طريقة اليوم من وصفاتنا علي موقع “القناة نيوز” وجهزنا ليكم اجمد قائمة لاكلات عيد الاضحي عشان متحتاريش
طريقة عمل الفتة بالثوم
المقادير
هاتي كيلو رز مغسول وعيش متحمر ناشف مقطع حتت صغيرة وكمان معاهم 4 ملاعق كبيرة ثوم مفروم واعصري معاهم طماطم لتحضير صلصة طماطم
واوعي تنسي زبدة للرز وتحمير الثوم العيد مليان لحمة يا ستي هاتي اي شوربة لحمة وعايري نص كوب خل واي نوع لحمة هاتي منهم كيلو لحمة
ومتنسيش بصلة متوسطة لسلق اللحم بالنسبة للبهارات بقا هاتي حبهان ومستكة ورق لورا وملح وفلفل أسود دي حاجات اساسية
يلا بينا نبدأ وصفتنا…..
الطريقة
بصي يا ست الكل قطعي اللحمة الاول زي ما انتي عايزة واغسليها كويس جدا
بعد كده هاتي حلة كبيرة وفيها مية سخنة ونزلي فيها اللحمة دي بس متنسيش ورق اللورا والمستكة والبصل المتخرط
سيبيها تغلي مع بعضها لغاية ما تعمل طبقة سودة فوق الوش وشيليها
بالنسبة للرز بقا اغسليه الاول وبعدين شوحيه في حلة فيها زبدة ونزلي عليها شوربة اللحمة اللي طبختيها وسيبيه يستوي
وبالنسبة للعيش فــ قطعيه حتت صغيرة وحمريه ف الزيت وسيبيه يبرد ف طبق لوحده
اما بقا الصلصة ,حطي زبدة او زيت ف حلة ودبلي فيها التوم والبصل وبعدين نزلي الطماطم ومغرفتين شوربة كده عشان تستوي واوعي تنسي البهارات “ملح وفلفل وكمون .
قدمي بقا اكلتك عن طريق رص العيش المحمر في صينيه حلوة كده وسقيه بالشوربة وبعدين افردي الرز وفوقيه الصلصة واخيرا بقا حطي اللحمة ع الوش مع تزيين بقدونس وادعيلي.
شوفي اجمد طريقة لعمل الفتة المصرية من خلال الفيديو التالي
نتمني ان تكون مقالتنا قد نالت اعجابكم الشديد وشكرا لمتابعتكم لنا علي “القناة نيوز”